Túrkistandyq kásipker aýdan aýrýhanasyna ottegi apparattaryn syılady
QAZYǴURT. QazAqparat – Túrkistan oblysynyń Qazyǵurt aýdanynda jeke kásipker aýrýhanaǵa ottegi kontsentratorlaryn syılady, dep habarlaıdy QazAqparat.
Oblystyq Óńirlik kommýnıkatsııalar qyzmetinen málim etkendeı, jergilikti kásipker Erlan Dosanbaev aýdandyq ortalyq aýrýhanaǵa 5 dana ottegi kontsentratoryn tartý etti.
«Іndettiń taralýyna baılanysty eldegi ahýal kúrdelenip otyr. Naýqastar aýrýhanaǵa kóp kelýde. Dárigerler kúni-túni aıanbaı eńbek etip jatyr. Qurylǵynyń múmkindigi zor. Endi dárigerler emdelýshilerge ottegi kontsentratorynyń kómegimen ýaqytyly járdem kórsete alady», – degen aýdandyq aýrýhananyń bas dárigeri B.Erejepov qol ushyn sozyp jatqan kásipkerge rızashylyq bildirdi.
