Túrkistandyq kásipker 260 otbasyǵa azyq-túlik taratty

TÚRKІSTAN. QazAqparat - Túrkistan oblysynda «Biz birgemiz» aktsııasy jalǵasyn tabýda. Bul joly aktsııa aıasynda Maqtaaral aýdanyndaǵy «Hamro ata» aýyl sharýashylyǵy óndiristik kooperatıviniń tóraǵasy, jeke kásipker Abýdhashım Boev 60 otbasyǵa azyq-túlik pen gıgıenalyq zattar úlestirdi, dep habarlaıdy QazAqparat.

Óńirlik kommýnıkatsııalar qyzmetinen málim etkendeı, metsenat buǵan deıin de 200 otbasyǵa qaıyrymdylyq jasap, kóptiń alǵysyn alǵan.

«Qazirgi tańda elimizdegi tótenshe jaǵdaıǵa baılanysty qıyn-qystaý sátte maqtaaraldyq jomart kásipkerler halyqpen birge ekendikterin kórsetýde. Búgingi aktsııa aıasynda negizinen Jambyl, Maqtaaral, Jańajol aýyldyq okrýgterinde turatyn az qamtamasyz etilgen otbasylar qamtylǵan.

Jalpy Maqtaaral aýdanynda kentter men aýyldyq okrýg ákimdikteri tarapynan Ekinshi dúnıejúzilik soǵys ardagerleriniń, kópbalaly otbasylardyń, jalǵyzilikti analardyń tizimi jasaqtalyp, muqtaj jandarǵa antıseptıkalyq quraldar, medıtsınalyq maskalar jáne birinshi kezekte qajetti ónimder men azyq-túlikter taratylyp jatyr», - delingen aqparatta.

Aıta keteıik, «Nur Otan» partııasy respýblıkalyq deńgeıde koronavırýske qarsy kúresti kúsheıtý, turǵyndarǵa kómektesý maqsatynda Elbasynyń bastamasymen «Biz birgemiz!» respýblıkalyq aktsııasyn jarııalaǵany belgili. Qaterli indetke qarsy kúresti kúsheıtip, kómekke asa muqtaj jandarǵa qol ushyn sozýdy quptaǵan qaıyrymdy isti júzege asyrý úshin Maqtaaral aýdany ákimdigi men «Nur Otan» partııasynyń Maqtaaral aýdandyq fılıaly belsendi jumystar atqarýda.