Túrkistandyq dzıýdoshy Dıdar Hamza jańa salmaqta el chempıony atandy
TÚRKІSTAN. QazAqparat – Aqtaý qalasynda ótip jatqan dzıýdodan el chempıonatynda Túrkistan oblysynyń balýany Dıdar Hamza 90 kelige deıingi salmaqta altyn medalge ıe boldy. Bul - Túrkistan oblysy qurylǵaly alǵashqy altyn júlde bolyp otyr, dep habarlaıdy QazAqparat tilshisi.
Elishilik saıysta respýblıkamyz boıynsha kileń myqty balýandar baq synaýda.
Buryn 81 kelide baq synaǵan Dıdar jańa salmaqta jeńiske jetip otyr.
Túrkistan oblysynyń dzıýdo kúresinen aǵa jattyqtyrýshysy Serik Qultaevtyń aıtýynsha, erler men áıelder 7 salmaq boıynsha beldesip jatyr.
Ár oblys, qalanyń bapkerleri Qazaqstan chempıonatyna eń úzdik degen shákirtterin alyp kelgen.
Boz kilemde beldesip jatqan áıelder arasynda Túrkistan oblysynyń balýany 70 keli salmaqta óner kórsetetin Perızat Jaqypbekova kúmis júldeger atandy.
Sonymen qatar, 81 kelidegi jas balýan Nurıddın Eralhan qola júldeger atansa, Moldash Kerimbek úzdik bestikke engen.
