Túrkistandyq dıqandar baqshalyq ónimderdi jınaýdan rekord ornatty
TÚRKІSTAN. QazAqparat - Túrkistandyq dıqandar baqshalyq ónimderdi jınaýdan rekord ornatty. Bul týraly oblys ákimdigi apparatynyń májilisinde aıtyldy, dep habarlaıdy QazAqparat tilshisi.
Oblystyq aýyl sharýashylyǵy basqarmasy basshysynyń mindetin atqarýshy Nurbek Badyraqovtyń aıtýynsha, bıyl óńirde kókónis, kartop, baqsha daqylynan 2,7 mln tonna ónim jınalyp, rekordtyq kórsetkishke qol jetkizildi. 6,9 myń gektarǵa tamshylatyp sýǵarý ádisin engizý tapsyrmasy berilip, 92 paıyzǵa (6,4 myń gektar) endirilgen. Oblys boıynsha aýyl sharýashylyǵy ónimderiniń jalpy shyǵarylymy 249 998,2 mln. teńgeni qurap, bul ótken jyldyń sáıkes kezeńiniń deńgeıinen 3,4%-ǵa joǵary.
Jıynda sondaı-aq 8 aıdyń qorytyndysy men bıýdjettiń atqarylýy jáne 9 aıda kútiletin boljam týraly derekter tyńdaldy. Bul jóninde oblystyq qarjy jáne bilim basqarmalarynyń basshylary baıandady.
Óz kezeginde aımaq basshysy Janseıit Túımebaev bıýdjetti durys josparlap, qarjyny ýaqtyly ári sapaly ıgerý qajettiligin atap ótti. Atalǵan basqarma basshylary jáne aýdan, qala ákimderine jumysty shıratýdy tapsyrdy. Sondaı-aq aýyl sharýashylyǵyn jetekshi salalardyń biri retinde damytyp, kórsetkishterdi jaqsartý, sharýashylyqpen aınalysatyn azamattarǵa qoldaýdy kúsheıtý jóninde tapsyrma berdi.
