Túrkistandyq depýtattar Tuńǵysh Prezıdenttiń densaýlyǵyna alańdaýshylyq bildirdi

TÚRKІSTAN. QazAqparat – Túrkistan oblystyq máslıhatynyń depýtattary Tuńǵysh Prezıdent Nursultan Nazarbaevtyń densaýlyǵyna alańdaýshylyq bildirdi. Ońtústik óńiriniń depýtattary atynan hat jazǵan máslıhat hatshysy Qaırat Balabıev eli úshin týǵan azamattyń tezirek sýyǵyp ketýine tilektestik bildirdi, dep habarlaıdy QazAqparat tilshisi.

«Biz Túrkistan oblystyq máslıhatynyń depýtattary Tuńǵysh Prezıdentimiz – Elbasy Nursultan Ábishuly Nazarbaevtyń koronavırýs indetin juqtyrǵany jaıly jaǵymsyz habardy asa ýaıymmen qabyldadyq. Álemdi jaýlaǵan indet Elbasyn da aınalyp ótpedi. El úshin týǵan azamattyń densaýlyǵyna eldiń alańdap jatqany anyq. Ásirese kıeli Túrkistan óńiriniń jurtshylyǵy Elbasynyń Túrkistandy ystyq yqylaspen erekshe meıirimmen qaraıtyndyǵyn jaqsy sezinedi. Osyndaı qıyn sátte Ult kóshbasshysyna qoldaý bildirip, zor densaýlyq tilegimiz keledi. Elimizdiń búgingi kúnin qalyptastyryp, keleshegi úshin tynymsyz ter tógip kelgen Elbasyǵa Alla shıpasyn bersin. Tezirek aıaqqa turyp, áli de elimizdiń órkendep, damýyna kóp eńbek etedi dep seneıik. Qazaqta aıtady ǵoı «aýyryp turdym, aýnap turdym» dep, sol aıtpaqshy erterek jazylyp, saýyǵyp ketýine tilektespiz» delingen hatta.