Túrkistandyq dárigerler Túrkııada tájirıbeden ótedi

TÚRKІSTAN. QazAqparat - Túrkistandyq medıtsına mamandary Túrkııa elinde tájirıbe almasýǵa attanyp ketti. Ystanbul qalasyna biliktiligin arttyrýǵa ketkenderdiń arasynda jedel járdem stantsııasynyń 10 dárigeri men feldsheri bar, dep habarlaıdy QazAqparat tilshisi.

Bul sharany oblystyq Qoǵamdyq densaýlyq basqarmasy uıymdastyrýda. Basty maqsat – medıtsına mamandaryna sońǵy tehnologııalardy meńgerip, jedel túrde naýqastardy emdeýge daıarlaý bolyp otyr.

Aıta keteıik, biliktiligin shyńdaý úshin ketken arnaıy top Túrkistan, Kentaý, Ordabasy stantsııalarynyń medıtsınalyq qyzmetkerlerinen jasaqtalǵan. Olar osy eldegi kóptegen medıtsına mekemelerinde bolyp, áriptesterimen tádirıbe almaspaq. Jınaqtalǵan tájirıbe óńirdegi jedel medıtsınalyq járdemniń sapasyn arttyrýǵa múmkinshilik bermek. Basqarma tarapynan jyl sońyna deıin taǵy birneshe topty shet memleketterde oqytý josparlanyp otyr.

Jalpy, ótken jyly óńirdiń aýrýhanalary men emhanalarynda eńbek etetin 3 myńǵa jýyq medıtsınalyq qyzmetker biliktiligin arttyrǵan.