Túrkistandyq dárigerler salaýatty ómir saltyn ustanady
TÚRKІSTAN. QazAqparat - Túrkistan oblysy boıynsha Qoǵamdyq densaýlyq basqarmasynyń qyzmetkerleri salaýatty ómir saltyn ustanýdy nasıhattap qana qoımaı, jumys oryndarynda sportqa bir mezgil ýaqyt bólip otyr, dep habarlaıdy QazAqparat atalmysh basqarmanyń baspasóz qyzmetine silteme jasap.
Dárigerler apta saıyn mekemeniń aýlasynda dene shynyqtyrýmen aınalysady. Adamnyń basty baılyǵy – densaýlyq. Qazirgi kezde Qazaqstan halqynyń, onyń ishinde jastardyń densaýlyǵy tómen deńgeıde. Máselen, ásker qataryna shaqyrylǵan jastardyń 50 paıyzy densaýlyqtaryna baılanysty qorǵanys kúshteriniń qatarynda qyzmet atqarýǵa jaramsyz. Bul jaǵdaı pedagogtar men dárigerlerdi tolǵandyrýda. Sol sebepti salaýatty ómir saltyn qalyptastyrý, keńinen nasıhattaý mańyzdy sharalardyń biri. Salaýatty ómir saltyn qalyptastyrýdy jastardan, mektep oqýshylarynan bastaý kerek. Dúnıejúzilik densaýlyq saqtaý uıymynyń derekteri boıynsha, densaýlyqqa áser etetin faktorlardyń 50-60 % ómir tirshiligine, 20 % - tuqym qýalaýshylyqqa, 20 % - syrtqy ortanyń jaǵdaıyna, 8-10 % - dárigerlik kómektiń deńgeıine baılanysty. Túrkistan oblystyq qoǵamdyq densaýlyq basqarmasynyń qyzmetkerleri «Salaýatty ómir saltyn saqta!» atty sharany aldaǵy ýaqytta da belsendi ótkizetin bolady.
