Túrkistandyq dárigerler naýqasqa birden eki ota jasady
TÚRKІSTAN. QazAqparat - Túrkistan oblysynda bir naýqasqa birden eki ota jasaldy. Erekshe operatsııa oblystyq klınıkalyq aýrýhananyń bazasynda jasalǵan, dep habarlaıdy QazAqparat tilshisi.
Oblystyq Qoǵamdyq densaýlyq basqarmasynyń málimetinshe, dárigerler naýqastyń qolqa anevrızmasyn protezben almastyrǵan. Qolqa – júrekten shyǵatyn iri qan tamyry. Onyń jarylýy sırek kezdesetindikten, óte qaýipti jaǵdaı sanalady.
Al, ekinshisi ota búırek isigine jasalǵan. Ota tórt saǵatqa sozylyp, oǵan alty dáriger qatysqan. Sala mamandary aýyr otany sátti jasap shyqqan.
jaǵdaıy óte aýyr bolǵan 66 jastaǵy naýqastyń qazir qalypty dep baǵalaýda. Dárigerlerdiń aıtýynsha, júrek anevrızmasy kóbine sımptomsyz ótedi. Sondyqtan qaýipti dertterdiń qataryna jatqyzylady.
Al, mundaı dıagnoz álemdegi 65-ten 75 jasqa deıingi adamdardyń 2 paıyzynda kezdesedi eken. Aıta keteıik, oblystyq klınıkalyq aýrýhanasynyń mamandary kúndelikti tikeleı medıtsına uıymdaryna telekonferentsııa arqyly konsýltatsııalyq-emdik kómek kórsetýdi júzege asyrýda.
