Túrkistandyq dárigerler ata-analarǵa aýtızm týraly aıtyp berdi

TÚRKІSTAN. QazAqparat - Túrkistan oblysynda Dúnıejúzilik aýtızm týraly aqparat taratý kúnine arnalǵan «Ashyq esik» kúni ótti, dep habarlaıdy QazAqparat oblys ákiminiń baspasóz qyzmetine silteme jasap.

Shara oblystyq densaýlyq saqtaý basqarmasyna qarasty «Oblystyq psıhıkalyq densaýlyq ortalyǵynda» balalar psıhology jáne logopedterdiń qatysýymen uıymdastyryldy.

«Ashyq esik» kúnine 48 ata-ana balalaryn ertip keldi. Onda 3 dáriger aýtızm týraly baıandama jasap, mamandar túrli saýaldarǵa jaýap berdi. «Aýtızm» aýrýynyń belgileri men oǵan shaldyqqan balalardy tárbıeleý máseleleri boıynsha aqparat aıtty. Mundaı balalardy múgedektikke shyǵarý men emdeý jaıyn túsindirdi. Óz kezeginde ata-analar ashyq esik kúnin uıymdastyrǵan mamandarǵa alǵys aıtyp, rızashylyǵyn bildirdi.

Aıta keteıik, óńirde ótken jyly 57 bala aýtızmmen esepte tursa, bıylǵy jyly olardyń qatary 68-ge jetip otyr.