Túrkistandyq dárigerler asqazan kólemin kishireıtý boıynsha 48 ota jasaǵan
TÚRKІSTAN. QazAqparat - Túrkistan oblysynda dárigerler semizdikke shaldyqqan 48 adamǵa ota jasap, asqazanyn kishireıtken. Óńirdiń hırýrg dárigerler bul otalardy sońǵy alty jyl kóleminde jasaǵan, dep habarlaıdy QazAqparat tilshisi.
Oblystyq klınıkalyq aýrýhananyń dárigerleri jýyrda ǵana salmaǵy
«Semizdikke shaldyqqan naýqas birden operatsııaǵa jiberilmeıdi. Bul emdeýdiń qatań kórsetkishteri bolýy tıis. Ádette, aldymen dıeta jáne dene shynyqtyrýmen aınalysýy kerek. Keıde psıhokorrektsııa qoldanylady. Eger munyń bári kómektespese, onda hırýrgııaǵa júginýge bolady. Ádette ota dene salmaǵynyń ındeksi 35-ten asatyn naýqastarǵa jasalady. Bul kórsetkishti formýla boıynsha esepteýge bolady», - deıdi joǵary sanatty hırýrg- dáriger Jeńis Serǵazın.
Mamandardyń aıtýynsha, otadan keıin adam 15-80 kelige deıin salmaq joǵaltady. Alaıda dárigerler bul ota sońǵy shara dep túsindiredi. Basqa amaldar taýsylǵan kezde ǵana operatsııanyń kómegine júginýi kerek. Búginde Túrkistan oblystyq klınıkalyq aýrýhanasynda salmaq joǵaltý operatsııalarynyń birneshe túri jasalýda.
