Túrkistandyq baǵban tabysyn 2,5 myń teńgeden 5 mıllıonǵa arttyrǵan
TÚRKІSTAN. QazAqparat – Túrkistan oblysy Jetisaı aýdanynyń baǵbany tabysyn 2500 teńgeden 5 mıllıon teńgege deıin arttyrǵan, dep habarlaıdy QazAqparat.
Túrkistan oblysy Jetisaı aýdany Qaraqaı aýyldyq okrýginiń turǵyny Juparbek Kerimbekov óz kásibin úıiniń janyndaǵy baý-baqshadan bastaǵan. Sharýa alǵashqy kezde aýlasyndaǵy 15 sotyq jerge qyzanaq egip, 1 qorabyn 2500 teńgeden satyp kelgen.
«Baqshadan paıda taýyp, kásip ashamyn dep oılamaǵan edim. Keıin, ýaqyt óte kele úı irgesinen egistik jerge aýysyp, dıqanshylyq jasaýǵa kóshtim. Qazir baıaldyrdyń ózinen 5 mıllıon teńge kóleminde paıda taptym. Qudaıǵa shúkir, dıqanshylyqtyń, eńbektiń arqasynda turmystyq jaǵdaıymdy jaqsartyp, bala-shaǵamdy oqytyp otyrmyn. Erinbeı eńbek etseń, jer ana jerge qaratpaıdy», – deıdi jetisaılyq dıqan.
Aıta keteıik, qazir baıaldyrdyń 1 kelisi kóterme baǵamen 270 teńge turady. Atalmysh baqsha daqyly gektaryna 25 tonnaǵa deıin ónim beredi.
