Túrkistandyq Aqpantoqpanturarqoja esimdi azamattyń isi sotta qaralýda
ShYMKENT. QazAqparat - Elimizde eń uzaq Aqpantoqpanturarqoja esimimen tanymal túrkistandyq turǵyn isti bolyp jatyr. Ol Qylmystyq kodekstiń eki babymen aıyptalyp, isi Túrkistan qalalyq sotynda qaralýda , dep habarlaıdy QazAqparat tilshisi.
Túrkistan qalalyq sotynyń baspasóz qyzmeti habarlaǵandaı, Aqpantoqpanturarqojaǵa qatysty qylmystyq is sotqa 12 aqpan kúni túsken.
«Aqpantoqpanturarqoja Jánibekov Qylmystyq kodekstiń 189 baby 3 bóligi 1 tarmaǵy «Senip tapsyrylǵan bóten múlikti ıemdenip alý nemese talan-tarajǵa salý» jáne 385 baby 1 bóligi «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» boıynsha aıyptalýda. Onyń isin sýdıa Arysbaı Tilegenov qaraýda. Búgin sotta alǵashqy sot tyńdaýy ótti», delingen baspasóz qyzmetiniń málimetinde.
ıAǵnı, ol qalalyq emhananyń mehanıgi qyzmetin atqaryp júrip, ótken jyldyń maýsym aıynda senip tapsyrylǵan múlikti asa iri kólemde talan-tarajǵa salǵan dep aıyptalýda. Emhanaǵa bólingen 1 mln 200 myń teńgeniń janar-jaǵarmaıyn maqsatsyz jumsap jibergen. Sóıtip, qylmysyn jasyrý úshin jalǵan qujattar daıyndapty.
Esterińizge sala keteıik, Aqpantoqpanturarqoja Jánibekov 2013 jyly óziniń eń uzaq esimimen tanymal bolǵan edi. Onyń jeke kúáliginiń sýreti áleýmettik jelilerge tarap ketkeni belgili.
