Túrkistandyq 600-ge jýyq azamat «Ne rabota» qarjy pıramıdasynyń qurbany bolǵan

TÚRKІSTAN. QazAqparat – Túrkistan oblysynda «Ne rabota» qarjy pıramıdasyna qatysty qylmystyq is tergelip jatyr. Bir jyl ishinde atalǵan uıymǵa 600-ge jýyq azamat 80,4 mln teńge aýdarǵany anyqtaldy, dep habarlaıdy QazAqparat tilshisi.

Qarjylyq monıtorıng agenttiginiń Túrkistan oblysy boıynsha Ekonomıkalyq tergep-tekserý departamentimen 2 qarjy pıramıdasynyń joly kesilgen.

Anyqtalǵan qylmystyq istiń bireýi Almaty qalasy boıynsha Ekonomıkalyq tergep-tekserý departamentine tergeý rettiligi boıynsha joldanǵan. Al, bir is boıynsha sotqa deıingi tergep-tekserý amaldary júrgizilýde.

«Túrkistan oblysynda «Ne rabota« degen qarjy pıramıdasyna qatysty tirkelgen qylmystyq is negizinde tergep-tekserý amalardy júrgizilýde. Qarjy pıramıdasyn oıyn bıznesi esebinde kórsete otyryp, salymshylarǵa ınternet arqyly paıda tabýdy usynǵan. M. esimdi azamattyń bank esep-shottaryna taldaý júrgizip, nátıjesinde 2019 jyldyń 11 qarashasy men 2021 jyldyń 21 qyrkúıegi aralyǵynda 586-dan astam jeke tulǵanyń 80,4 mnl teńge aýdarǵany anyqtaldy», - dedi Túrkistan oblysy boıynsha Ekonomıkalyq tergep-tekserý departamenti Tergeý basqarmasynyń basshysy Jandos Kenjebaev.