Túrkistandy kógaldandyrýǵa kelestikter de úles qosýda
TÚRKІSTAN. QazAqparat - Oblys ákimi Ómirzaq Shókeevtiń tapsyrmasyna sáıkes Túrkistan qalasynda kógaldandyrý jumystaryn júrgizý úshin shahar 32 sektorǵa bólingen bolatyn, dep habarlaıdy QazAqparat óńir basshysynyń baspasóz qyzmetine silteme jasap.
Ár sektorǵa aýdan, qala ákimdikteri men basqarma basshylary tikeleı jaýapty. Sonyń ishinde 16-sektorǵa jaýapty Keles aýdanynyń ıgi iste óz úlesi bar.
Keles aýdanynyń ákimi Aqmentaı Esbaev bastaǵan top sektor aýmaǵyn kógaldandyrý maqsatynda kóshet otyrǵyzý jumystaryn júrgizdi. Kelestikter ózderine bekitilgen aımaqta arnaıy uńǵymalar qazyp, 400 kóshet otyrǵyzdy.
«Qazirgi tańda 357 shuńqyr qazylǵan. Qalǵan jumystar bekitilgen jumys josparyna sáıkes, 30 qarashada aıaqtalatyn bolady. Budan ózge 8176 kóshet satyp alynǵan», – dedi aýdan ákimi A. Esbaev.
Oblys ortalyǵyn kógaldandyrý men kúndelikti tazalyq jumystaryna 8 tehnıka jumyldyrylyp, 200-ge jýyq adam jumysqa tartylǵan.
Qazirgi tańda 16 sektor aýmaǵyndaǵy kóshelerdi tegisteý, turmystyq qaldyqtardy tazartý, aǵashtardy butaý jumystary júrgizilip, kúl-qoqystar shyǵarylýda. Dastanov kóshesine gazon egý (1500 sh.m) maqsatynda qunarly topyraq tóseý jumystary júrgizilgen.
