Túrkistandy damytý: Agrarlyq salaǵa tartylǵan 810 mlrd teńge 1,3 trln bolyp qaıtady
NUR-SULTAN. QazAqparat – Túrkistan oblysyn 10 mlrd teńge jumsaý josparlanǵan, dep habarlaıdy QazAqparat tilshisi.
Aýyl sharýashylyǵy mınıstriniń birinshi orynbasary Aıdarbek Saparov Úkimet otyrysynda osy aqshanyń qalaı qaıtatynyn túsindirdi.
«Tutastaı alǵanda, osy ınvestıtsııalyq jobalardy iske asyrý 810 mlrd teńge jeke ınvestıtsııalardy tartýǵa jáne shamamen 16,5 myń jumys ornyn qurýǵa múmkindik beredi. Túrkistan qalasynyń aınalasynda 11myń gektar azyq-túlik beldeýin qurý, onyń sheńberinde jalpy somasy 15,0 mlrd teńgeniń 7 ınvestıtsııalyq jobasy iske asyrý kózdelgen», -dedi vıtse-mınıstr.
Sonymen qatar, ol keshendi jospar sheńberinde sút óndirisin 880 myń tonnaǵa deıin, et óndirisin 283 myń tonnaǵa deıin, kókónis pen jemis óndirýdi 1 mln 530,9 myń tonnaǵa deıin jetkizýge bolatynyn atady. Bul sáıkesinshe sút óńdeý kásiporyndaryn júkteýdi 60%-dan 80%-ǵa deıin, al et óńdeý zaýyttaryn júkteýdi 55%- dan 70%-ǵa deıin ulǵaıtýǵa múmkindik beredi.
«Nátıjesinde Túrkistan oblysynyń aýyl sharýashylyǵy jalpy óniminiń kólemi 1,3 trln teńgege deıin jetkizilip, eńbek ónimdiligi 2,5 ese artady», - dedi Aıdarbek Saparov.
