Túrkistandaǵy Júsip ata kesenesi aýmaǵynda sapar ortalyǵy salynady

TÚRKІSTAN. QazAqparat - Bıyl Túrkistan qalasyndaǵy Júsip ata kesenesi aýmaǵynda demeýshiler esebinen sapar ortalyǵynyń qurylysy bastalady, dep habarlaıdy QazAqparat «Áziret Sultan» memlekettik tarıhı-mádenı qoryq-mýzeıiniń baspasóz qyzmetine silteme jasap.

Qazirgi tańda ortalyqty jobalaý qujaty ázirlenip jatyr. Jospar boıynsha onda týrıster men zııaratshylarǵa arnalǵan qyzmet kórsetý ortalyǵy salynady. Ǵımarat 4 bólmeden turady, ıaǵnı ákimshilik, mýzeı ekspozıtsııasy, qonaq bólmesi jáne sharýashylyq oryndary qarastyrylǵan.

Tarıhı derekter men ańyz-áfsanalarda Júsip ata Qoja Ahmet ıAsaýıdiń jıeni ári zamandasy, shákirti bolǵandyǵy aıtylady. Onyń kesenesi Túrkistan qalasynan 25 shaqyrym jerdegi Eski Iqan eldimekeninde ornalasqan. Jergilikti mańyzy bar eskertkishke 2005 jyly arheologııalyq zertteýler júrgizilip, qurylystyń irgesi HV ǵasyrda qalanǵandyǵy anyqtalǵan.

Mádenıet jáne sport mınıstrliginiń qoldaýymen QR Tuńǵysh Prezıdenti – Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalarynda kórsetilgen basymdyqtardy negizge ala otyryp, Túrkistan óńirindegi tarıhı oryndarǵa kelgen týrısterge sapaly qyzmet kórsetý maqsatynda birqatar jumys qolǵa alynǵan. Sonyń ishinde «Áziret Sultan» memlekettik tarıhı-mádenı qoryq-mýzeıiniń uıymdastyrýymen demeýshiler esebinen Júsip ata kesenesinde de týrısterdi shoǵyrlandyrý maqsatynda kóptegen ıgi shara júzege asyrylyp jatyr.

Tarıhı-mádenı qoryq-mýzeıdi damytý, qoryq-mýzeıge qarasty tarıhı-mádenı eskertkishterdi qaıta jańǵyrtý jumystary elimizdegi týrızm salasynyń damýyna serpilis beredi dep kútilýde.