Túrkistandaǵy «Jumyspen qamtý ortalyǵy» jańa tártipte qyzmet kórsetpek
TÚRKІSTAN. QazAqparat – Túrkistan qalasyndaǵy «Jumyspen qamtý ortalyǵy» ashyq úlgide qyzmet kórsetýge kóshti. «Ashyq ákimdik» júıesi aıasynda mekemege zamanaýı úlgidegi beınebaqylaý júıesi ornatyldy, dep habarlaıdy QazAqparat tilshisi.
109 - Biryńǵaı baılanys ortalyǵynda ornalasqan jańa júıeniń artyqshylyqtarymen tanysyp, bul jańashyldyqtar ortalyq jumysynda jemqorlyq qylmystaryn boldyrmaýǵa tikeleı yqpal etedi.
Ortalyqtyń qabyldaý bólimine daýys jazý quralymen qoıylǵan 18 beınekamera men sıgnaldy qurylǵy, 3 kameranyń ashyqtyq qaǵıdatyn qalyptastyrýdaǵy múmkinshilikterin ortaǵa saldy.
Ortalyqqa kelýshiler qataryn sanaý men bir jerde kóp shoǵyrlanǵan adamdardy izdeý, umytylǵan zattardy tabý analıtıkasy men kezek jáne sabotaj detektory, sondaı-aq qyzmetkerlerdiń jumys tıimdiligin sanaý saraptamalary qarastyrylǵan. Óz kezeginde atalǵan júıeniń málimetteri Túrkistan qalasy 109 - Biryńǵaı baılanys ortalyǵynyń arnaıy jasalǵan telegram-bot qosymshasyna habarlama arqyly kelip túsip, kelgen málimetter ortalyq sarapshylar tarapynan turaqty negizde qadaǵalanyp otyrady.
Sondaı-aq, zamanaýı beınebaqylaý júıesi arqyly qyzmet alýshy men qyzmet kórsetýshiniń arasyndaǵy suqbat onlaın rejımde www.turkistan2020.kz saıtynda júrgiziletin bolady.
