Túrkistandaǵy jańa nysandardyń qurylysy qarqyndy júrgizilýde
TÚRKІSTAN. QazAqparat –Túrkistan qalasynda jańa nysandardyń qurylys jumystary qarqyndy júrgizilip, 24 turǵyn úıdi jyl sońyna deıin tapsyrý josparlanǵan. Búgin oblys basshysy Ómirzaq Shókeev qaladaǵy qurylysy júrip jatqan nysandardy aralap shyqty, dep habarlaıdy QazAqparat tilshisi.
Kóppáterli turǵyn úıdiń sapasyn tekserip shyqqan aımaq basshysy qurylysshylarǵa saqtyq sharalaryn kúsheıte otyryp, jumysty toqtatpaýdy tapsyrdy. Ómirzaq Shókeev sondaı-aq, 7 myń adamǵa laıyqtalǵan alyp stadıonnyń qurylysyn kórdi. Óńirde fýtbol básekeleri, iri sporttyq dodalar men mádenı is-sharalar ótetin sport nysany «Samuryq Qazyna» ulttyq ál-aýqat qorynyń demeýshiligimen salynýda. Munda 2 sport zaly, tabıǵı fýtbol alańy, ákimshilik bólmeler bar. Sport kesheni paıdalanýǵa berilgen soń bul jerde fýtboldan Qazaqstan Respýblıkasy chempıonatynyń premer-lıga, birinshi jáne ekinshi lıga komandalarynyń oıyndary ótetin bolady. Túrkistan qalasynyń ajaryn arttyrǵan taǵy bir nysan «Parasat» saıabaǵy da erekshe keıipke enip keledi. Munda qaıta jańartý jumystary aıasynda jasandy kól men kópirler salynyp, 420 metrlik tasaryq kelesi aıdyń sońynda tolyǵymen aıaqtalmaq. Nátıjesinde saıabaq sýmen qamtylyp, ol qaıtadan «Arys-Túrkistan» kanalyna jiberiledi dep josparlanǵan. Al, Túrkistan-Kentaý baǵytyndaǵy joldyń eki shetindegi tasaryqtyń bir bóligi «Parasatty» sýmen qamtysa, ekinshi bóligi jol boıyndaǵy jasyl jelekti sýǵarady. Ómirzaq Estaıuly Túrkistannyń brendine aınalatyn negizgi jobalardyń biri – «Kerýen saraıdyń» qurylys aýmaǵynda da boldy. «Sembol contruction» kompanııasy salyp jatqan nysannyń qurylysy bıyl qyrkúıek aıynda aıaqtalady dep kútilýde. Oblys ákimi tıisti basqarma basshylaryna abattandyrý men kógaldandyrý jumystaryn bekitilgen kestege saı aıaqtaýdy tapsyryp, qurylystyń sapasy qatań baqylaýda ekenin eskertti.
