Túrkistandaǵy jańa nysandar zamanaýı sáýlet úlgisimen salynady

TÚRKІSTAN. QazAqparat - Túrkistan oblysynyń ákimi Janseıit Túımebaev túrkııalyq «ERA» kompanııasynyń ókilderimen kezdesti. Qos uıymnyń basshysy Berksan Býıýkıyldyz Túrkistan qalasyndaǵy boı kóteretin ǵımarattardyń sáýlettik jobalaryn ázirlep, sondaı-aq Túrkistan oblysyndaǵy ındýstrıaldy aımaqtardy damytýǵa nıetti ekendigin jetkizdi, dep habarlaıdy QazAqparat tilshisi.

Atalǵan uıym álemde ınnovatsııalyq sáýlettik jobalarmen tanylǵan. 1972 jyly qurylǵan kompanııa Parıj, Ystambul, Beıjiń men Máskeý syndy qalalarda jumys isteıdi. «Orteksan» uıymynyń enshiles múshesi sanalatyn «ERA» kompanııasy ındýstrıaldy aımaqtardyń damýymen shuǵyldanady. Sheteldik kompanııa usynystaryn tyńdaǵan oblys basshysy óńirde ınvestorlar men kásipkerler arnalǵan qoldaýlarmen tanystyrdy.

«Qazirgi tańda oblysta ınvestıtsııalyq klımat qalyptasqan. Kásipkerlikti damytý baǵytynda qajetti júıe, qoldaý bar. Onyń ústine Túrkistan oblysynda 2 mıllıonǵa jýyq halyq turady. Túrkistan qalasy - halyqaralyq magıstral jolynda ornalasqan ekonomıkalyq tıimdi aımaq. Jańa qalanyń qurylysy kezeńinde sizdermen áriptestik tanytýǵa daıynbyz. Túrkistannyń sáýlettik kelbeti zamanaýı, ozyq bolýyna birlesip úles qosýymyz kerek», - dedi Janseıit Túımebaev.

Aldaǵy ýaqytta qos tarap Túrkistan oblysy men óńir ortalyǵyndaǵy ındýstrıaldy aımaq men ǵımarattardyń sáýlettik jobasy aıasynda áriptestik ornatpaq.