Túrkistandaǵy jalǵyz jerasty ótkeli jańartylyp, paıdalanýǵa berildi

Qala ortalyǵyndaǵy ótpe jolyn Jeke kásipker Arystan Súleımenov jańartyp, shahar basshysy Rashıd Aıýpov bastaǵan ákimdik qyzmetkerleri arnaıy baryp kórdi, dep habarlaıdy QazAqparat tilshisi.

Jerasty ótkeli buǵan deıin tozyǵy jetip, jańbyrly kúnderi adamdar ary-beri óte almaıtyn. Tipti, turǵyndar ishine jınalǵan sýdy keship ótýge májbúr bolǵan edi. Odan bólek, jaryq ta, tazalyq ta qarastyrylmaǵan. Bul kórinister endi artta qaldy. Jańartylǵan ótkeldi kórip shyqqan qala basshylyǵy qazirgi keıipine oń baǵasyn berdi.

Úsh aı boıy jumysshylardyń kún-tún demeı atqarǵan qyzmetteriniń arqasynda ótkel jańasha keıipke engen. Onda jańadan ashylatyn dúkenderde 40 shaqty adam jumyspen qamtylady dep kútilýde.

Jaýapty mamandardyń aıtýynsha, ótkelde kúzet, beınekamera qoıylyp, tazalyq jıi júrgiziledi. Qala ákimi bul kúni jańadan ashylǵaly jatqan qalalyq polıtsııa basqarmasy janyndaǵy front-ofıstyń qurylys barysyn da aralap kórdi. Halyqtyq keńse – polıtsııanyń ashyqtyǵy men qoljetimdiligin is júzinde qamtamasyz etedi dep kútilýde.

Rashıd Abatuly óz kezeginde basqarma janyndaǵy qorshaýlardy alyp, kelýshilerge yńǵaıly jaǵdaı jasaýdy tapsyrdy. Jastardyń ónerin shyńdap, talantyn ashýda ózindik septigin tıgizetin balalar men jasóspirimder ortalyǵynyń jumysy da ákimniń nazarynan tys qalmady.

Shahar basshysy ortalyq qyzmetkerlerimen kezdesý barysynda jastarǵa jáne olardyń ıdeıalaryn qoldaýǵa barynsha jaǵdaı jasaý kerektigin basa aıtty. Turǵyndarǵa jaıly ári qolaıly ortany qalyptastyrýdy maqsat etken qala ákimi, alda mundaı erekshe jobalardy rýhanı mekende shıratýdy kózdep otyr.