Túrkistandaǵy ıAssaýı kesenesi janynda jol erejesin buzǵan júrgizýshi jaýapqa tartyldy
Túrkistan oblysynyń polıtseıleri áleýmettik jelilerge monıtorıng jasaý kezinde, jol qozǵalysy erejesin buzǵan júrgizýshiniń beınejazbasyn anyqtady. ıAǵnı, ol kólik júrýge bolmaıtyn Qoja Ahmet ıAssaýı kesenesiniń aldyndaǵy alleıada «Hyundai Sonata» avtokóligimen júrip ótip, jaıaý júrginshilerge qaýip tóndirgen.
Osy beınejazbaǵa oraı Túrkistan qalalyq Polıtsııa basqarmasynyń qyzmetkerleri dereý izdestirý sharalaryn júrgizdi. Nátıjesinde quqyq buzýshy kólik júrgizýshisin, jas jigitti anyqtady. Ol Saýran aýdanynyń turǵyny bolyp shyqty.
Anyqtalǵandaı, júrgizýshi kesene mańyndaǵy tamaqtaný ornynan shyǵyp, jol qysqartý nıetimen zańdy buzǵan. Ol óziniń kinásin tolyq moıyndap, aldaǵy ýaqytta qaıtalamaıtynyn jetkizdi.
Qazirgi tańda jas jigitke qatysty QR ÁQBtK-niń 597-babynyń 2-bóligi (Kólik quraldaryn trotýarda toqtatý nemese onyń toqtap turý qaǵıdalaryn buzý, sondaı-aq kólik quraldaryn gúlzarlarda, kógaldarda, balalar nemese sport alańdarynda toqtatý nemese onyń toqtap turýy) boıynsha hattama toltyrylyp, kólik aıypturaqqa qoıyldy.
