Túrkistandaǵy «Taıqazan» týrnırinde Ábdiǵanı Bıbarys «túıe palýan» atandy
ShYMKENT. QazAqparat - Túrkistanda qazaq kúresinen respýblıkalyq jarys bolyp ótti. Osymen 25-shi ret jalaýy kóterilgen dástúrli «Taıqazan» týrnırine 250-ge tarta sportshy qatysty, dep habarlaıdy QazAqparat tilshisi.
Respýblıkalyq saıysta 1998-1999 jyly týǵan Astana qalasy men Soltústik Qazaqstan, Almaty, Jambyl, Qyzylorda oblystarynan kelgen sportshylar baǵyn synady. Bul topta QR Jastar qurama komandasynyń ókilderi de boldy. Jarys qorytyndysynda 100 kelide Ábdiǵanı Bıbarys altyn ıelense, 74 kelide Olja Hamıt pen 82 kelide Aıdarbek Toqtarbek kúmis júldeni oljalady. Al asa aýyr salmaqtaǵy sportshylar arasyndaǵy «Túıe palýan» jarysy asa tartysty ótti. Bul básekede de Ábdiǵanı Bıbarys jeńimpaz atansa, Janataı Erasyl jastar quramasy boıynsha ekinshi oryndy aldy. Túrkistandyq Bekarystan Almas úzdik úshtikti túıindedi. Túıe palýandar beldesýinde sportshylar qomaqty qarjylaı syılyqtardy júldeli oryndaryna qaraı bólisti.
