Túrkistandaǵy «Shabyt» sherýine 3 myńnan astam jetkinshek qatysty
TÚRKІSTAN. QazAqparat - Búgin Esim han alańynda Halyqaralyq balalardy qoǵaý kúnine arnalǵan «Shabyt» sherýi ótti, dep habarlaıdy QazAqparat oblys ákiminiń baspasóz qyzmetine silteme jasap.
Balalar men jastardyń mýzykalyq orkestrleri jáne ansamblderiniń úshinshi sherýine saz, óner mektepteri, kolledj stýdentteri men qala mektepterinen 3 myńǵa jýyq oqýshy qatysty.
Tuńǵysh Prezıdent N.Nazarbaevtyń «Rýhanı jańǵyrý» maqalasyn júzege asyrý baǵytyndaǵy shara maqsaty - dástúrli ulttyq tárbıeni ulyqtaý, ata men áje ınstıtýtyn dáripteý.
«Balalarymyzdyń mereıi ústem bolsa - memleketimizdiń mártebesi qashanda bıik»,- degen oblys ákiminiń orynbasary Málik Otarbaev balalarǵa jeńis pen baqyt tiledi.
Túrkistan oblysyndaǵy barlyq bilim berý uıymdaryn biriktiretin aktsııanyń mańyzy orasan ekenin de nazardan tys qalmady.
Sherýdiń sońy kontserttik baǵdarlamaǵa ulasty. Balalyq shaq meıramynan este qalarlyqtaı kórinis bergen keshti ata-analar, mádenıet jáne sport ókilderi erekshe yqylaspen tamashalady.
