Túrkistandaǵy sakýra aǵashtary gúldep jatyr
Túrkistan qalasynyń kóshelerinde otyrǵyzylǵan sakýra aǵashtary bıyl jyldaǵydan kesh gúl ashty. Muny mamandar kúnniń jylynýynyń uzaqqa sozylýymen baılanystyryp otyr. Degenmen, naýryz aıynyń sońynan bastap gúl asha bastaǵan sándik aǵashtar búginde qalaǵa kórik berip tur. Ásirese, jańa qala aýmaǵy men Q. ıAsaýı kesenesiniń mańaıynda jáne alleıalarda ósip turǵan sakýralarǵa tańdanyspen qaraýshylar kóp.
«Negizinen sakýra aǵashtarynyń gúldeýi naýryz aıynyń basynan, mamyr aıyna deıin jalǵasady. Bıyl kúnniń jylynýy kesh bolǵandyqtan, gúldeý kezeńi sáýir aıynda bastaldy. Qazirgi tańda sakýramen birge, ózge de jemis aǵashtarynyń gúl ashýy qatar júrip jatyr. Kógaldandyrý salasynda qyzmet etip júrgen mamandar tyńaıtqyshtarmen jáne hımııalyq preparattarmen óńdeý jumystaryn turaqty túrde júrgizip keledi», - delingen Túrkistan qalasy ákimdiginiń baspasóz qyzmeti taraptqan aqparatta.
