Túrkistandaǵy oıyn-saýyq oryndaryna túnde jumys isteýge tyıym salyndy
TÚRKІSTAN. QazAqparat - Túrkistandaǵy oıyn-saýyq oryndary men 40-qa tarta dámhana túngi saǵat 23.00-den keıin jumysyn toqtatýy tıis. Qala ákimi Álipbek Óserbaev jeke kásipkerler men ýchaskelik polıtseılerdiń qatysýymen ótken jıynda osylaı dep tapsyrdy, dep habarlaıdy QazAqparat tilshisi.
«Ótken jyldyń qorytyndysy boıynsha, qaladaǵy qoǵamdyq oryndarda 451 qylmys deregi tirkelgen. Onyń ishinde, kóshedegi 219 qylmystyń túngi mezgilde, mas azamattardyń qatysýymen bolǵany anyqtalyp otyr. Ózgeniń tynyshtyǵyn buzýǵa, kedergi keltirýge eshkimniń quqyǵy joq. Sondyqtan osy máseleni retke keltirý kerek. Mysaly, «Edem» kafesinde aǵashtan jasalǵan eki qabatty jazdyq oryn bar. Ol syr berip, adam shyǵynyna ákelmesine kim kepil», - dedi Álipbek Sháripbekuly.
Qala basshysy tıisti sala mamandaryna kafelerdiń qujattarynyń zańdylyǵyn tekserýdi qatań tapsyrdy. Sonymen birge, zań talaptaryna baǵynǵysy kelmeıtin kásipkerlerge zań aıasynda shara qoldanylatynyn atap ótti.
Májiliste atalǵan qoǵamdyq másele tóńireginde qalalyq kásipkerlik bóliminiń basshysy G.Dahanova jaqyn kúnderi jergilikti polıtsııa qyzmetiniń ýchaskelik ınspektorlarymen birlesken is-shara ótkizý josparlanyp otyrǵandyǵyn aıtty. Al, jergilikti polıtsııa qyzmetiniń bastyǵy, polıtsııa maıory B.ıAnkın kafelerdegi spırttik ishimdikterdiń lıtsenzııasy bar-joǵyn, kámelet jasyna tolmaǵandarǵa satylmaýyn qadaǵalaý boıynsha tekserý jumystary júrgiziletinin jetkizdi.
