Túrkistandaǵy meıramhananyń birinde karantınge qaramastan 30 adam bas qosqan
TÚRKІSTAN. QazAqparat - Túrkistan qalasynda bir aıdyń ishinde karantın talaptaryn buzǵan 80 fakt anyqtaldy, dep habarlaıdy QazAqparat oblystyq PD baspasóz qyzmetine silteme jasap.
Departamenttiń jeke quramy karantınge baılanysty kúsheıtilgen rejımde qyzmet atqarýda. ıAǵnı qala, aýdan aýmaǵynda kúndizgi jáne túngi reıd, onyń ishinde adam kóp jınalatyn basqosý, toı-jıyn, is-sharalardy ótkizýge tyıym salý men qaýipsizdik sharalaryn qadaǵalaý júrgizilýde.
Kezekti reıd barysynda Túrkistan qalalyq PB-nyń qyzmetkerleri mobıldik toppen birge jeltoqsan aıynda QR ÁQBtK-niń 425-baby «Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha 80 zań buzý faktisin anyqtady.
Máselen Túrkistan qalasynyń turǵyny meıramhananyń birinde 30 adamdy shaqyryp, ujymdyq is-shara ótkizgen. Atalǵan jaıtqa sáıkes polıtsııa meıramhana meńgerýshisi men toı ıesine qatysty zań aıasynda shara qoldandy.
Tártip saqshylary karantın rejımi kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattarǵa zań aıasynda jaýapkershilik qarastyrylǵanyn eskertedi. Sondyqtan Bas sanıtarlyq dárigerdiń qaýlysynyń talaptaryn qatań saqtap, betperde kııý men araqashyqty saqtaýdy esten shyǵarmaý kerek.
