Túrkistandaǵy qurylysta otandyq materıaldardy paıdalaný kerek - mınıstr
Búgin Úkimet otyrysynda QR Premer-Mınıstriniń birinshi orynbasary – Qarjy mınıstri Álıhan Smaıylov osylaı málim etti, dep habarlaıdy QazAqparat tilshisi.
«Aǵymdaǵy jyldyń shildesinde memlekettik satyp alý veb-portalynda tapsyrys berýshiler men ónim berýshilerge taýarlardyń shyǵýy týraly sertıfıkattardy, onyń ishinde ST-KZ sertıfıkattaryn engizbeı aktige qol qoıýǵa múmkindik bermeıtin formattyq-logıstıkalyq baqylaý ornatylǵan. Bul memlekettik satyp alýlardaǵy jergilikti qamtý boıynsha obektıvti kórinisti aıqyndaýǵa múmkindik beredi jáne monıtorıngti jeńildetedi», - dedi Á.Smaıylov.
Úkimet basshysynyń birinshi orynbasary 2019 jyldyń basynan Memlekettik satyp alý týraly zańǵa ózgerister engizilgenin eske saldy. Endi Prezıdenttiń tapsyrmasy boıynsha Úkimetpen memlekettik satyp alýdy bir kózden oryndaıtyn tulǵalar belgilený múmkin. Bul norma ulttyq rejimnen alý maqsatynda qoldanýy múmkin.
«Osy normanyń aıasynda Túrkistan qalasynda nysandardyń qurylysy júrip jatyr. Bul rette Úkimet qaýlysymen anyqtalǵan 145 tulǵa qazaqstandyq kompanııa bolyp sanalady. Ákimdikter bul tulǵalardyń Qazaqstanda óndirilgen qurylys materıaldaryn qoldanýyn qadaǵalaý kerek», - dedi ol.
