Túrkistandaǵy qurylysqa qajetti qarjy, ózge de máseleler sheshilgen - Asqar Mamın
TÚRKІSTAN. QazAqparat - QR Premer-Mınıstri Asqar Mamın Túrkistan oblysyna jasaǵan jumys sapary barysynda Túrkistan qalasynyń damýy jóninde jıyn ótkizdi. Jıyn barysynda 2019-2020 jyldarǵa arnalǵan Túrkistan qalasyn damytýdyń keshendi jospary men damýyn jáne Túrkistan aımaǵyn 2024 jylǵa deıin áleýmettik-ekonomıkalyq damytýdyń keshendi josparynyń jobasyn júzege asyrý máseleleri talqylandy, dep habarlaıdy QazAqparat tilshisi.
Qazirgi tańda Túrkistanda turǵyn úı qurylysy jobalaryn iske asyrý men kólik ınfraqurylymyn damytý, sýmen jabdyqtaý jáne sanıtarııa, energetıka, gaz jáne jylýmen qamtamasyz etý jáne t.b. jumystarǵa respýblıkalyq bıýdjetten qajetti qarajat bólinýde. Turǵyn úıdiń qoljetimdiligin qamtamasyz etý maqsatynda jyl sońyna deıin 2 300 páterden asatyn 52 kópqabatty turǵyn úı paıdalanýǵa beriledi. Sondaı-aq, «Nurly jer» baǵdarlamasy aıasynda 20 úıdi el ıgiligine tapsyrý josparlanýda. Nátıjesinde 1200 januıa jaldamaly turǵyn úımen qamtamasyz etiledi. Onyń 270-i az qamtylǵan otbasylarǵa usynylmaq. Odan bólek, ákimshilik - iskerlik ortalyqqa sý magıstralin tartý jumystary júrgizilýde. Kólik ınfraqurylymyn damytý úshin Túrkistan oblysynyń jergilikti jelisinde joldardy kúrdeli jáne ortasha jóndeý úshin 23 joba júzege asyrylatyn bolady. Bıylǵy jyly 1000 km-den astam joldy jóndeý kózdelip otyr.
2019-2024 jyldary Túrkistan qalasynda energetıka, gaz jáne jylýmen qamtamasyz etý ınfraqurylymyn damytý boıynsha segiz joba júzege asyrylady. ıAǵnı, «ıAsy», «Soltústik», «Ortalyq» qosalqy stantsııalary men gaz jelilerin salý jáne Kentaý qalasyndaǵy jylý-energetıkalyq ortalyqty qaıta qurý jumystary júrgiziledi.
Oblysty gazdandyrý jumystary aıasynda jyl sońyna deıin qala boıynsha 31,1 shaqyrym magıstraldyq gaz qubyry, sondaı-aq Otyrar, Shafgar, ıAssy jáne Bekzat turǵyn aýdandarynda 193 shaqyrym gaz taratý jelileri qurylatyn bolady. 2020 jylǵa qaraı gazdandyrý deńgeıi 100 paıyzǵa jetedi.
Túrkistan qalasyn mádenı-rýhanı, joǵary damyǵan týrıstik ortalyqqa aınaldyrý úshin tarıhı nysandardy qalpyna keltirý jáne jetildirýge baǵyttalǵan jobalar júzege asyrylýda. Halyqaralyq sarapshylar tobymen birge Q.A.ıAsaýı kesenesiniń álemdik mańyzdylyǵyn eskere otyryp, onyń kórnekilik kelbetin jaqsartý úshin bekinistik qabyrǵasyn qaıta qalpyna keltirý sharalary qolǵa alynbaq.
Jıyn sońynda QR Premer-Mınıstri A.Mamın qurylys jumystaryn qarqyndatýdy jáne sharýany jospar boıynsha atqarýdy tapsyrdy.
«Elbasy Túrkistan qalasyn damytýǵa erekshe kóńil bólip otyr. Úkimet tarapynan barlyq qarjy jáne basqa da máseleler sheshilgen», - dedi Asqar Mamın.
