Túrkistandaǵy qurylys jumystary táýlik boıyna júrgizilsin - Asqar Mamın
TÚRKІSTAN. QazAqparat - Túrkistandaǵy qurylys jumystary eki apta ishinde táýlik boıyna júrgiziletin boldy. Búgin Túrkistan qalasyna jumys saparymen barǵan QR Premer-Mınıstri Asqar Mamın osyndaı tapsyrma berdi, dep habarlaıdy QazAqparat tilshisi.
Úkimet basshysynyń nysandardy aralaý qorytyndysy boıynsha ótken jıynda Indýstrııa jáne ınfraqurylymdyq damý birinshi vıtse-mınıstri Q. Óskenbaev, energetıka vıtse-mınıstri M. Myrzaǵalıev Túrkistan qalasynyń kólik, ınjenerlik-kommýnıkatsııalyq ınfraqurylym, energııamen, gazben jáne jylýmen qamtý jelilerin damytý týraly baıandady. Túrkistan qalasyndaǵy nysandardy júzege asyrýǵa jaýapty Aqtóbe, Pavlodar, Batys Qazaqstan, Soltústik Qazaqstan oblystarynyń jáne Nur-Sultan, Almaty qalalary ákimderiniń orynbasarlarynyń esepteri tyńdaldy.
Túrkistan qalasynyń aýmaǵyndaǵy jekelegen nysandardyń álemdik mańyzyn eskere otyryp, keńeske halyqaralyq sarapshylar tobynyń músheleri de qatysty. Dúnıejúzilik mura obektilerin saqtaýdyń jaı-kúıin baǵalaý boıynsha Eskertkishter men obektiler jónindegi halyqaralyq keńestiń (ICOMOS) aǵa sarapshysy, professor Mıhael ıAnsen (Germanııa), CIPA mura qujattary jónindegi ǵylymı komıtetiniń ICOMOS sarapshysy, doktor Ona Vıleıkıs Tamaıo (Kanada) qatysty. QR Mádenıet jáne sport mınıstri A. Muhamedıuly sarapshylarmen birlesip, Q. A. ıAssaýı eskertkishiniń jaǵdaıy men bekinis qabyrǵasyn qaıta qalpyna keltirý jáne restavratsııalaý jumystarynyń zerdelenip jatqanyn málimdedi.
