Túrkistandaǵy Kúltóbe qalashyǵynan altyn áshekeıler tabyldy

TÚRKІSTAN. QazAqparat – Túrkistandaǵy Kúltóbe qalashyǵynan II-III ǵasyrǵa tán altyn áshekeıler tabyldy. Zergerlik buıymdar eski qalashyqta júrgizilip jatqan arheologııalyq qazba jumystary kezinde anyqtaldy, dep habarlaıdy QazAqparat tilshisi.

Qoja Ahmet ıAsaýı qoryq-mýzeıi baspasóz qyzmetiniń málimetinshe, tabylǵan qazynanyń ishinde syrǵalar men zergerlik buıymdardyń birneshe altyn bólshekteri, túrli monshaqtar bar.

Al Kúltóbedegi Hýmdan peshtiń ishindegi qulandy qyshtar arasynan arab baspasynan shyqqan kólemi 10h20 sm kitap tabylǵan. Kitaptyń saqtalǵan qalyńdyǵy - 1,2 sm. Arheologtardyń aıtýynsha, kitaptyń muqabasy kók tústi kónmen qaptalǵan. Biraq saqtalýy nashar, paraqtary bir-birine jabysyp qalǵan. Tipti, ashyp qaraýǵa kelmeıdi. Jazýy oqylýǵa keletin birinshi betinen «Biz mundaılardan emespiz» degen sóılemniń jobasy anyqtalǵan.