Túrkistandaǵy Qoja Ahmet ıAsaýı kesenesine qaýip tónip tur ma
Búginde Túrkistandaǵy tarıhı nysanǵa qatysty kóptegen áńgimeler aıtylyp jatyr.
Máseleniń mánisin «Áziret Sultan» qoryq murajaıynyń dırektory Máýlen Sadyqbekten suradyq.
«Biz barlyǵyna tek boljam deńgeıinde ǵana qaraı alamyz. Sebebi, ǵylymı turǵydan naqty negiz bolmaǵandyqtan tuşymdy jaýap aıta almaımyz. Ol úshin sońǵy úlgidegi qondyrǵylardy ornatyp, keseneniń aýa aınalymyn, jerasty sý deńgeıin jáne sý arnalaryn jyl on eki aı boıy baqylaýǵa alyp otyrýymyz qajet. Búginde memleket aınalasyn abattandyryp, qyrýar jumys júrgizip jatyr. Al, kesenege kelgende ony zerttep qadaǵalap otyratyn qondyrǵylar joq. Sondyqtan ǵalymdar da eshqandaı negizge súıenip, jaǵdaıdyń naqty kórinisin aıta almaı otyr. Bylaısha aıtqanda «dıagnoz» durys qoıylýy kerek. Biz sol dıagnozdy qoıa almaı otyrmyz»,- deıdi Máýlen Jarylqasynuly.
Degenmen, ǵımaratqa kireberis pen meshit bólmesi, ashana jáne qazandyqtyń tóbesi sýlana bastaǵan.
Tuzy shyǵyp, quzdanǵan jerler de bar. Onyń barshasy kózge kórinip tur.
«Kesene - búkil álemge maqtana alatyn jalǵyz eskertkishimiz. Sondyqtan nysandy kózimizdiń qarashyǵyndaı saqtaýymyz qajet. Qazir keı qabyrǵalary quzdanyp tur. Al, ashana bólmesi, qazandyqtyń tóbesi sýlanǵan. Olardy ýaqytsha aǵymdaǵy jóndeýden ótkizý tıimsiz. Sebebi, araǵa ýaqyt salyp, qaıtadan syny kete bastaıdy. Jalpy keseneniń salynǵanyna 600 jyldan astam ýaqyt boldy. Ol aralyqta Túrkistanda aýa raıy, jerdiń qabaty, ekologııa ózgerdi. Munyń barshasy ǵımaratqa áser etedi. Sondyqtan túbegeıli zerttep, uzaqmerzimdi baqylaýǵa alýymyz qajet. Tipti, bul jumyspen arnaıy ǵylymı zertteý ınstıtýttary aınalysýy kerek dep oılaımyn» - deıdi Áziret Sultan« qoryq murajaıynyń dırektory Máýlen Sadyqbek.
