Túrkistandaǵy gaz jarylysyna ballonyń aqaýlyǵy sebep bolǵan - TJD

TÚRKІSTAN. QazAqparat – Túrkistan qalasynda turǵyn úıde bolǵan gaz jarylysyna ballonyń aqaýlyǵy sebep bolǵan. Bul týraly Túrkistan oblysy Tótenshe jaǵdaılar departamentiniń baspasóz qyzmeti málimdedi, dep habarlaıdy QazAqparat tilshisi.

«21 naýryz kúni saǵat 19:40 shamasynda Túrkistan qalasy Qazybek bı kóshesindegi №231 jeke turǵyn úıde 25 lıtrlik gaz ballony redýktorynyń aqaýlyǵynan gazdy-aýa qospasy jarylyp, úı zattary men jıhazy janǵan jáne órt úıdiń shatyryna ótken. Órt saǵat 20:39-da tolyq sóndirildi. Oqıǵa ornyna Tótenshe jaǵdaılar departamentiniń jeke quramynan 20 qyzmetker men 5 tehnıka jumyldyryldy», - delingen Túrkistan oblysy Tótenshe jaǵdaılar departamentiniń baspasóz qyzmeti taratqan aqparatta.

Eske salsaq, gaz jelisin óz betinshe qosyp alǵan túrkistandyqtyń úıinde jarylys bolǵan edi. Oqıǵa saldarynan bir otbasynyń 4 múshesi kúıik jaraqatymen aýrýhanaǵa jetkizilgen.

Úı ıesi – 1993 jylǵy azamattyń jaǵdaıy aýyr, al onyń 2 jasar balasynyń denesin 34%, 4 jasar balasynyń denesin 35%, 5 jasar balasynyń denesin 38% kúıik shalǵan. Barlyǵy da aýyr halde. Qazir aýrýhanada em qabyldap jatyr.