Túrkistandaǵy emhanalar elektrondy júıege kóshti
Túrkistan qalalyq emhanasy bas dárigeriniń orynbasary Aıdana Aıaǵanovanyń sózinshe, túrkistandyqtar jappaı «Damýmed» qosymshasyn paıdalanatyn bolǵan. Osy qosymsha arqyly úıden shyqpaı-aq medıtsınalyq saraptamanyń qorytyndysyna qol jetkize alady. Sonymen qatar, medıtsınalyq mekemelerge elektrondy túrde kezekke turyp, sol arqyly óz dárigerin úılerine shaqyrtýda.
«Elektrondy júıeniń arqasynda sońǵy ýaqytta emhanaǵa barý 9 adamnan 2 adamǵa deıin, emhanadaǵy kezek 30 mınýttan 20 mınýtqa deıin qysqardy. Al, tekserý qorytyndylaryn alý ýaqyty eki esege azaıdy»,- deıdi.
Aıta keteıik, Túrkistan qalalyq emhanasy 91 myńnan astam turǵynǵa medıtsınalyq kómek kórsetedi. Búginde mundaǵy jumys tolyqtaı elektrondy júıege kóshkendikten, jumys barysynda qaǵazbastylyq azaıǵan. Medıtsınalyq mekemeniń qaǵazǵa ketetin shyǵyny da 60 paıyzǵa kemigen.