Túrkistandaǵy emhanada «Adaldyq alańy» men áleýmettik qyzmet kórsetý oryndary ashyldy

TÚRKІSTAN. QazAqparat - Búgin Túrkistan oblysyna QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev jumys saparymen kelip, birqatar nysandardy aralap kórdi, dep habarlaıdy QazAqparat tilshisi.

Agenttik tóraǵasy oblys ákimi Ómirzaq Shókeevpen birge Túrkistan qalalyq ortalyq emhanasyna baryp, emdeý mekemesindegi jańa tehnologııalarymen tanysty. Atalǵan emhanada tsıfrlandyrýǵa baılanysty ınfokıosk, kýarkod, onlaın habarlaý, koll- ortalyq, tikeleı Kmıs-ke qosylǵan termınal, avtodozvon men PÝSh iske qosylǵan. Sondaı-aq, naýqastarǵa sms- habarlama jetkizý isi qolǵa alynyp, tirkeý ornynda az ýaqyt ishinde kúrdeli ózgerister men jańartýlar jasalǵan. Óz kezeginde Alık Shpekbaev emhana qyzmetin Nur-Sultan qalasyndaǵy medıtsına mekemelerindegi zamanaýı tehnologııamen jabdyqtalýymen salystyra otyryp, joǵary baǵasyn berdi.

Aıta keteıik, Túrkistan qalalyq ortalyq emhanasynyń tirkeý ornynda Elbasynyń talabyna sáıkes "Adaldyq alańy" men áleýmettik qyzmet kórsetý oryndary ashylǵan. Onda KR Densaýlyq saqtaý mınıstrliginiń buıryǵyna sáıkes múmkindigi shekteýli jandarǵa áleýmettik qoldaý kórsetilip, trıaj júıesi arqyly halyqqa qyzmet kórsetiledi.