Túrkistandaǵy buzylatyn nysandardyń ıelerine 399 mıllıon teńge tólendi
TÚRKІSTAN.QazAqparat - Túrkistanda 168 nysandy buzý josparlanǵan. Olardyń qatarynda 154 turǵyn úı men 14 kommertsııalyq nysan bar. Búgingi tańda 96 úı ıesi óz baspanalaryn bosatýǵa kelisip, 35 turǵynǵa 399 mıllıon teńge kóleminde ótemaqy tólendi. Bul týraly Túrkistan oblystyq Kásipkerler palatasy Óńirlik keńesiniń kezekti otyrysyda aıtyldy, dep habarlaıdy QazAqparat tilshisi.
Keńestiń kezekti otyrysynda Túrkistan qalasynyń qurylysy jobasynyń tanystyrylymy men Qoja Ahmet ıAsaýı kesenesiniń aınalasyndaǵy jerdi alý jaǵdaıy talqylandy. Qalalyq sáýlet jáne qala qurylysy basqarmasynyń ókilderi jáne «Astana-Genplan» JShS sáýletshileri shaharda salynatyn jańa nysandardyń jobasymen tanystyryp ótti. Jańa ákimshilik ortalyq pen turǵyn úı aýdandary, saýda, oıyn-saýyq jáne sport ǵımarattary, mádenı-saýyq jáne demalys oryndary ornalasatyn jerlerdi kórsetti.
Kásipkerler birinshi kezekte qyzyqtyrǵan suraqtaryn qoıyp,olarǵa mardymdy jaýaptaryn qoıdy. Sonymen birge, Kásipkerler palatasynyń ókilderi jaǵdaıdy baqylap otyratyndyǵyn jáne ákimdikpen birlese kúndelikti osy máseleni sheshetindikterin aıtyp ótti. Kún tártibindegi ekinshi másele memlekettik qajettiligi úshin Qoja Ahmet ıAsaýı kesenesiniń aınalasyndaǵy jer ýchaskelerin satyp alý jumystarynyń barysy boldy. Bul máseleni qala ákiminiń orynbasary Tájibek Musaev aıtyp berdi.
Onyń sózinshe bas josparǵa sáıkes, mavzoleıge jaqyn jerde rýhanı-mádenı ortalyq paıda bolady. Aýmaǵy 98 gektardy quraıtyn jerlerge 8 nysan boı kóteredi. Sonyń ishinde kelýshiler ortalyǵy, ıAssaýı murajaıy jáne túrki áleminiń murajaıy salynbaq. Palatanyń ókilderi, óz kezeginde, kásipkerlerge sot isin júrgizý kezinde keńes berý men kómek kórsetýge daıyn ekendikterin jetkizdi.
