Túrkistandaǵy Batys Eýropa – Batys Qytaı avtomagıstrali qala syrtyna shyǵarylady

TÚRKІSTAN. QazAqparat - Túrkistan qalasyndaǵy Batys Eýropa – Batys Qytaı avtomagıstrali qala syrtyna shyǵarylady. Bul týraly Túrkistan oblysy ákiminiń orynbasary Arman Jetpisbaı málimdedi, dep habarlaıdy QazAqparat tilshisi.

Túrkistan qalasy oblys ortalyǵy bolǵaly beri qala aýmaǵy keńeıip, damý ústinde. Qazirgi tańda qurylys qarqyn alyp, sáýletti ǵımarattar salynyp jatyr. Al, qala ishinde qalyp qoıǵan Batys Eýropa – Batys Qytaı halyqaralyq avtodálizi Túrkistan qalasynyń syrtyna kóshiriledi.

«Túrkistan oblysyn áleýmettik-ekonomıkalyq damytýdyń keshendi jospary aıasynda halyqaralyq avtodáliz qala syrtyna kóshiriledi. Jańa jol Shymkent baǵytyndaǵy Eski Iqan aýylynyń tusynan bastalyp, Qyzylordaǵa shyǵa beristen qaıta jalǵanady. Qalanyń mańyndaǵy Oranǵaı aýylynyń janynan ótedi. Jalpy uzyndyǵy 30 shaqyrymdy quraıdy» - dedi Arman Jetpisbaı.

Jalpy, keshendi josparda Shymkent qalasynyń ońtústik-batys aınalma joly, Saryaǵash qalasynyń aınalma joly jobalary da qaralǵan. Munda da qala ishin qıyp ótetin úlken joldar qala syrtyna shyǵarylady.