Túrkistandaǵy áýejaı Gınnestiń rekordtar kitabyna engizilýi múmkin
TÚRKІSTAN. QazAqparat - Túrkistanda salynyp jatqan «Hazret Sultan» áýejaıy Gınester kitabyna engizilýi múmkin. Bul týraly oblys ákiminiń orynbasary Sáken Qalqamanov óziniń facebook paraqshasynda aıtty, dep habarlaıdy QazAqparat.
Oblys ákimi orynbasarynyń aıtýynsha, atalǵan áýejaıdyń qúrylysy jóninen dúnıejúzinde jyldam salynǵan nysan sanalady.
«Investor áýejaı qurylysynyń álemde tez salynǵan nysan retinde Gınestiń rekordtar kitabyna engizý týraly ótinish túsirmekshi. Nysan óte jyldam ýaqytta salynyp jatqanymen, Hazret Sultan Airport (HSA) qurylysy sapaly júrgizilýde. Jýyrda qurylystyń barysyn elordadan kelgen delegatsııa tanysyp qaıtty. Qonaqtarǵa uzyndyǵy úsh shaqyrymnan astam, eki shaqyrymnan asatyn ushý-qoný jolaǵy kórsetildi. Áýejaı qurylysyn júrgizýshiler bul jerde úlken ushaqtardyń ózi jumsaq qonady dep ýáde berýde. Tehnıkalyq ushyrylym osy aıdyń sońynda júrgizilip, al tolyq paıdalanýǵa kelesi jyldyń qańtarynda berilmek», - dedi Sáken Qalqamanov.
Eske salsaq, jaqynda QR Prezıdenti Qasym-Jomart Toqaevtyń Túrkistan oblysyna jumys sapary barysynda osy áýejaı qurylysymen tanysqan bolatyn. Halyqaralyq áýejaı qurylysy bıyl aıaqtalady.
