Túrkistandaǵy Arbatqa Nursultan Nazarbaevtyń esimi berildi

ASTANA. QazAqparat - 20 naýryzda Túrkistan oblystyq máslıhatynyń kezekten tys HHHIII sessııasy ótti, dep habarlaıdy QazAqparat oblystyq ákimdiktiń baspasóz qyzmetine siltememen.

Onda Qazaqstan Prezıdenti Qasym-Jomart Toqaevtyń Parlament palatalarynyń birlesken otyrysynda Tuńǵysh Prezıdenttiń esimin máńgilikke qaldyrý úshin oblys ortalyqtaryndaǵy negizgi kóshelerdiń birin Nursultan Nazarbaevtyń esimimen ataý týraly bastamasy qaraldy.

Sessııa sheshimi boıynsha oblys ortalyǵyndaǵy Arbatqa Nursultan Nazarbaev esimi berilý týraly usynys aıtylyp, ol depýtattar tarapynan qoldaý tapty.

Túrkistan qalasyndaǵy Arbatqa Nursultan Nazarbaevtyń esimi berildi.

Ol Bekzat Sattarhanov dańǵylynyń qıylysynan bastap, Táýke han dańǵyly men Názir Tórequlov kóshesiniń qıylysyna deıingi aralyqty qamtıdy.

Aıta keteıik, 2018 jyldyń maýsym aıynda Ult Kóshbasshysy Nursultan Nazarbaev Ońtústik Qazaqstan oblysyn Túrkistan oblysy dep qaıta qurý týraly Jarlyq shyǵarǵan bolatyn. Búgingi tańda Túrkistan qalasy oblys ortalyǵy retinde qarqyndy túrde damyp keledi. Qalada aýqymdy qurylys jumystary júrgizilip jatyr.