Túrkistandaǵy Ákimshilik-iskerlik ortalyǵynda 89 turǵyn úıdiń qurylysy júrgizilýde
TÚRKІSTAN. QazAqparat – Túrkistan qalasynyń Ákimshilik-iskerlik ortalyǵynda 89 turǵyn úıdiń qurylysy júrgizilýde. Bul týraly qalalyq qurylys bóliminiń basshysy Jandos Tasov málim etti, dep habarlaıdy QazAqparat tilshisi.
Bólim basshysynyń sózinshe, jańadan salynyp jatqan baspanalar 7, 9 jáne 12 qabatty. Búgingi kúnge deıin 7 qabatty 7 turǵyn úıiniń qurylys-montaj jumystary aıaqtalyp, úıler «Turǵyn úı qurylys jınaq banki» arqyly berilgen. Jáne 7 qabatty 24 turǵyn úıdiń aýmaǵyna gaz, elektr, sý jáne kárizben jabdyqtaý men turǵyn úı aýmaǵyn abattandyrý jumystary júrgizilýde. Sonymen qatar, ındýstrıaldy aımaqty 310 ga keńeıtýge ázirlengen 2 joba boıynsha qurylys jumystary jalǵasýda. Óndiristik alań kólemi ulǵaıyp, nátıjesinde kásipkerlikti damytýǵa úles qosyp, jańa jumys ornynyń ashylýyna múmkindik beredi. Jandos Tasov sondaı-aq, «Tuńǵysh Prezıdent saıabaǵy», «Jelilik saıabaq» jáne qalalyq «Dendrosaıabaq» nysandarynyń qurylysy keler jyly aıaqtalatyny josparlanyp otyrǵandyǵyn aıtty.
