Túrkistandaǵy ákimshilik-iskerlik ortalyǵynda 7 nysan paıdalanýǵa beriledi
TÚRKІSTAN. QazAqparat - Túrkistan oblysynda óńir basshysy Ómirzaq Shókeevtiń tóraǵalyǵymen apparat májilisi ótti. Jıynda oblys ortalyǵyn damytý jumystary talqylandy, dep habarlaıdy QazAqparat tilshisi.
Basqosýda Túrkistan qalasyn damytý boıynsha qala ákimi Álipbek Óserbaev baıandady. Onyń sózinshe, búgingi tańda B.Sattarhanov dańǵylynan memleket muqtajdyǵy úshin satyp alynatyn 54 kásipkerlik nysan anyqtalǵan. Olardyń qajetti qujattary jınaqtalyp, baǵalaý jumystaryn júrgizýge usynylǵan.
«Onyń ishinde 48-ne baǵalaý qorytyndysy alynyp, 38 nysan bosatyldy. Sonymen qatar, Sattarhanov dańǵylyn kúrdeli jóndeý jumystaryn júrgizý barysynda memlekettik muqtajdyqqa alynatyn 3 kásipkerlik nysan anyqtalyp, baǵalaý jumystary júrgizildi. Buzý jumystary 16 mamyrǵa deıin tolyq aıaqtalady», - dedi qala ákimi.
Óz kezeginde aımaq basshysyatalǵan dańǵyl boıynan saıabaq salyp, abattandyrý jumystaryn júrgizý qajettigin tapsyrdy. Sondaı-aq, qaladaǵy saýda oryndaryn rettep, kanaldardyń qurylysyn tezdetýdi júktedi. Budan ózge, eski qaladaǵy súriletin nysandardyń ıelerimen túsindirme jumystaryn jedeldetip, jumysty qarqyndatýdy aıtty.
Jıynda sondaı-aq, oblystyq qurylys basqarmasynyń basshysy T.Úsipálıev qaladaǵy qurylys jumystaryn baıandady.
«Búgingi tańda,Ákimshilik-iskerlik ortalyǵynda 17 nysan salynýda. Bıyl 7 nysan paıdalanýǵa beriledi. Atap aıtsaq, oblys ákimdigi, Astana alańy, Medıa ortalyq, Olımpıadalyq rezervtegi sport mektebi, saıabaq, mýzykalyq mektep, halyqqa qyzmet kórsetý ortalyǵy», - dedi basqarma basshysy.
