Túrkistandaǵy 2 aýdanda jerasty sýy kóterilip, aýlalardy sý basty
TÚRKІSTAN. QazAqparat- Nóser jańbyrdan Maqtaral men Jetisaı aýdan turyndarynyń aýlasyn sý basty, dep habarlaıdy QazAqparat tilshisi.
Eki kún qatarynan jaýǵan jańbyr saldarynan Atakent kenti, Maqtaral, J.Nurlybaev, Dostyq, Jańajol, Jambyl aýyldyq okrýgteri aýmaǵynda jerasty sýy kóterilip, birneshe úılerdiń aýlasyn sý basty. Tótenshe jaǵdaı bóliminiń qyzmetkerleri tarapynan aýmaqtan sý arnasyn burý, soryp shyǵarý jumystary júrgizilýde.
«Aýdandyq órt sóndirý bólimi men beketteriniń, jergilikti aýyl ákimdikterdiń uıymdastyrýymen 60-qa jýyq sý sorǵyshtar kósheler men úıdiń aýlalaryna tolǵan sýdy shyǵarý jumystarymen aınalysýda. Sonymen qatar, kóshelerdi, úılerdiń aýlalaryn sý basý faktisine baılanysty aýdan ákimdiginiń jedel jelisi iske qosylyp, turǵyndar tarapynan habarlamalar túsken jaǵdaıda shuǵyl is-sharalar atqarylýda»-delingen Maqtaral aýdandyq ákimdigi taratqan aqparatta.
Jetisaı aýdanynda da eki-úsh kúnnen beri tolassyz jaýǵan jaýyn saldarynan kóptegen kósheni sý basty.
