Túrkistanda zııatkerlik mektep ashyldy
TÚRKІSTAN. QazAqparat - Túrkistan qalasynda «A.Q. ORDA» zııatkerlik mektebi saltanatty túrde ashylyp, paıdalanýǵa berildi, dep habarlaıdy QazAqparat óńirlik kommýnıkatsııalar qyzmetine silteme jasap.
Jańa bilim uıasy memlekettik-jekemenshik áriptestik aıasynda boı kótergen. Onda 1-6 synyp oqýshylaryna dáris qazaq jáne orys tilderinde júrgiziledi.
Mektepte pánder tereńdetip oqytylýmen qatar horeografııa, vokal, robototehnıka, qarjylyq saýat syndy túrli úıirmeler de jumys isteıdi.
Tipti, dombyra jáne shahmat jeke pán retinde engizilgen. Oqý ordasynda óz salasynyń bilikti ustazdary sabaq beredi. Arasynda shet elderde bilim alǵandary da bar.
Mekteptiń ashylý saltanatynda sóz alǵan oblys ákiminiń orynbasary Sáken Qalqamanov túrkistandyqtardy jańa mekteptiń ashylýymen quttyqtap, pedagogtardyń eńbegine shyǵarmashylyq tabys tiledi.
Aqyly negizde oqytatyn mektep búginnen bastap jumysyn bastady.
