Túrkistanda jylqyshy kókparǵa qatysatyn tulpardy urlap ketken

TÚRKІSTAN. QazAqparat – Kókparǵa qatysatyn tulpardy urlap ketken jylqyshy ony saýdaǵa shyǵarǵan jerinen ustaldy, dep habarlaıdy QazAqparat Túrkistan oblysy PD baspasóz qyzmetine silteme jasap.

Saıram aýdandyq polıtsııa basqarmasyna jergilikti turǵyn aryzdanady. Aıtýynsha, onyń Aqbastaý aýyly mańynda ornalasqan qorasynan kókparǵa qatysatyn aıǵyry urlanǵan. Sonymen qatar, jylqyshysy da ushty-kúıli joǵalyp ketken. Jábirlenýshi júırik attyń baǵasy bazar narqymen 20 000 000 teńge ekenin kórsetedi.

Polıtseıler kelesi kúni tańerteń joǵalǵan jylqyny Túlkibas aýdanyndaǵy mal bazarynda satylyp turǵan jerinen tabady. Anyqtalǵandaı, jylqyshy jigit maldy satyp, aqshasyn óz qajettiligine jumsamaq bolǵan. Bul derek QR QK-niń 188-1-baby «Mal urlyǵy» boıynsha tirkelip, sotqa deıingi tergeý amaldary bastaldy.