Túrkistanda júrek, mı jáne aıaq-qol tamyrlaryna kúrdeli ota jasaýǵa múmkindik týdy

TÚRKІSTAN. QazAqparat – Túrkistanda júrek, mı jáne aıaq-qol tamyrlaryna kúrdeli ota jasaýǵa múmkindik bar, dep habarlaıdy QazAqparat tilshisi.

Túrkistan qalalyq ortalyq aýrýhanasynda jyljymaly angıografııalyq júıesi ornatylǵan ota zaly ashyldy.

«Búgin Túrkistan qalasyndaǵy ortalyq aýrýhanaǵa zamanaýı jyljymaly angıografııalyq júıe ornatyldy. Budan buryn mundaı apparat Saıram jáne Saryaǵash aýdandyq aýrýhanalaryna da qoıylǵan bolatyn. Bul – biz úshin úlken qýanysh. Munyń bári halyq úshin jasalyp jatqan jumystar. Memlekettik qoldaýdyń arqasynda osyndaı qural-jabdyqtar medıtsınalyq mekemelerge qoıylyp jatyr. Bul júıe júrek, mı jáne aıaq-qol tamyrlaryna kúrdeli ota júrgizýge múmkindik beredi», - dedi sharaǵa qatysqan Túrkistan oblysy qoǵamdyq densaýlyq saqtaý basqarmasynyń basshysy Marat Pashımov.

Foto: Túrkistan oblystyq densaýlyq saqtaý basqarmasy