Túrkistanda jolaqy jaqyn arada qymbattamaıdy
TÚRKІSTAN. QazAqparat - Túrkistanda qoǵamdyq baǵyttaǵy kólikter jyl sońyna deıin tolyǵymen úlken avtobýstarǵa almastyrylmaq. Qazirgi ýaqytta 25 mln teńge turatyn «Yutong» markaly 11 avtobýs halyq ıgiligine qyzmet kórsetýge daıyn, dep habarlaıdy QazAqparat tilshisi.
Oblys ortalyǵynda sý jańa kólikter №4 «A» jáne №30 baǵyttarǵa shyǵaryldy. Erteńgi kúnnen bastap qalǵan avtobýstar №4, №5, №7, №10 №31 baǵytynda jolaýshylardy tasymaldaıtyn bolady.
«Kestege saı kúndelikti 270 qoǵamdyq kólik túrkistandyqtarǵa qyzmet kórsetedi. Sapaly qyzmet, turǵyndarǵa jaılylyq syılaý maqsatynda shaǵyn avtobýstardyń ornyna Qytaı HR-nan 2018 jyly shyǵarylǵan úlken avtobýstar satyp aldyq. Evro-5 úlgidegi, ıaǵnı taza ekologııalyq avtobýstardyń sıymdylyǵy 54 orynǵa laıyqtalǵan. Mamyr aıynda taǵy da 10 avtobýsqa qol jetkizemiz dep josparlap otyrmyz», - dedi «Jolaýshy» JShS mekemesiniń atqarýshy dırektory Medetbek Jumageldiuly.
Óz kezeginde qalalyq Jolaýshylar kóligi jáne avtomobıl joldary mekemesiniń basshysy Baıdýlla Orazbekov jaqyn arada jolaqyǵa baǵasyna qatysty esh alańdaýǵa negiz joq ekendigin aıtty. Onyń sózinshe jolaqy quny qymbattamaıdy. 
