Túrkistanda joǵalyp ketken apaly-sińlili 2 oqýshy tabyldy
TÚRKІSTAN. QazAqparat – Túrkistan oblysy, Túlkibas aýdanynda sabaqqa ketip, habarsyz ketken apaly-sińlili eki jasóspirim tabyldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, jalǵyzbasty ana Túlkibas APB qyzmetkerlerine 13 jáne 11 jastaǵy qyzdarynyń kúndizgi saǵat 12:30-dar shamasynda sabaqqa shyǵyp, keıin qaıtyp oralmaǵanyn aıtyp, polıtsııa kómegine júgingen.
Polıtsııa jyldam sheshim qabyldap, izdeý jumystaryn júrgizdi. Іzdaý sharalaryna mektep muǵalimderi men eriktiler de tartyldy. Nátıjesinde joǵalǵan qyzdar sol aýyldan 25-30 shaqyrym qashyqtyqta ornalasqan kórshi eldi mekennen tabyldy.
Tergeý barysynda oqýshy qyzdardyń osydan bir jyl buryn kóship ketken aýylyndaǵy úılerine jaıaý jetip, sondaǵy dostaryna barǵany anyqtaldy.
