Túrkistanda joǵalyp ketken 11 jasar qyz kanalǵa qulap ketken

TÚRKІSTAN. QazAqparat - Túrkistanda joǵalyp ketken 11 jasar qyz kanalǵa qulap ketýi múmkin. Bul týraly Túrkistan oblysy polıtsııa departamentiniń baspasóz qyzmeti málimdedi, dep habarlaıdy QazAqparat tilshisi.

Túrkistandyq polıtseıler birneshe kúnnen beri Іnjý Eskermesti izdep jatyr. Tártip saqshylaryna qala turǵyndary, eriktiler, bilim oshaqtarynyń ujymy qosylǵan. Sondaı-aq, izdeý jumystaryna qyzmettik ıtter men drondar qoldanylyp keledi.

Jedel basqarý ortalyǵyna qosylǵan beınejazbalardy zerdeleý barysynda Іnjýdiń aýlada oınaǵany, odan soń jol boıymen belgisiz baǵytta ketip bara jatqany anyqtalǵan.

«Іnjýmen birge oınaǵan kórshi qyzben birneshe ret sóılesý arqyly, ekeýiniń birge sý aǵyp jatqan kanalǵa barǵanyn bildik. Sondaı-aq, Іnjý abaısyzda kanalǵa qulap ketip, shyǵa almaı qalǵany belgili boldy. Qazir izdeý jumystaryna Tótenshe jaǵdaılar departamentiniń qyzmetkerleri shaqyrtyldy. Іzdeý jumystary jalǵasýda» delingen Túrkistan oblysy polıtsııa departamentiniń baspasóz qyzmeti taratqan aqparatta.

Aıta keteıik, budan buryn Túrkistanda 11 jasar qyz joǵalyp ketkenin jazǵan bolatynbyz.