Túrkistanda joǵalǵan 14 jasar qyz Almatydan tabyldy
TÚRKІSTAN. QazAqparat – Túrkistan oblysy polıtseıleri anasyna eskertpesten Almaty qalasyna qydyryp ketken 14 jasar qyzdy úıine qaıtardy, dep habarlaıdy QazAqparat tilshisi.
Polıtsııanyń habarlaýynsha, Jetisaı APB-ne jergilikti turǵyn aryzdanyp keledi. Ol óz aryzynda kámelet jasyna tolmaǵan qyzy túngi ýaqytta úıinen belgisiz baǵytqa shyǵyp ketip, qaıta oralmaǵanyn aıtqan.
«Іz-tússiz joǵalǵan 14 jasar qyzdy izdeýge barlyq tıisti sharalar qabyldandy. Іzdestirý barysynda, qyzdyń Almaty qalasynda ekeni anyqtaldy jáne Almaty-Jetisaı baǵytyndaǵy avtobýspen kele jatqany belgili boldy», - dedi polıtsııa qyzmeti.
Tergeý barysynda anyqtalǵandaı, qyz óziniń kámelet jasyna tolǵan dos qyzymen birge Almaty qalasyna ketip, sonda tanystarymen qydyrǵan eken.
Tártip saqshylary ony aman-esen anasyna tabystady. Sonymen qatar, anasymen profılaktıkalyq jumystar júrgizildi.