Túrkistanda joǵalǵan 11 jastaǵy qyzdy izdeýge qutqarýshylar qyzmeti jumyldyryldy

TÚRKІSTAN. QazAqparat- Túrkistanda joǵalǵan 11 jastaǵy qyzdy izdeýge qutqarýshylar qyzmeti jumyldyryldy. Bul týraly Túrkistan oblysy TJD baspasóz qyzmeti málimdedi, dep habarlaıdy QazAqparat tilshisi.

Búginde qutqarýshylar Arys-Túrkistan kanalynda izdeý jumystaryn júrgizip jatyr. Sý ishinde júrip, árbir jyra men jylǵany qarap shyǵýda. Sondaı-aq, kópirlerdiń asty men sý túbinde muqııat tekserýde.

«Túrkistan oblysynyń qutqarýshylary 5 synyp oqýshysyn izdestirý jumystaryna kiristi. Bul jumystarǵa 40 jeke quram men jedel qutqarý jasaǵynan 5 adam, 2 qaıyq jumyldyryldy»-delingen Túrkistan oblysy TJD baspasóz qyzmeti taratqan aqparatta.

Aıta keteıik, búgin Túrkistan oblysynyń polıtsııa departamenti Túrkistanda joǵalyp ketken 11 jasar qyzdyń kanalǵa qulap ketýi múmkin ekendigin aıtyp, aqparat taratqan bolatyn. Onda Qurbysymen birge kanalǵa barǵan Іnjý abaısyzda kanalǵa qulap ketip, shyǵa almaı qalǵanyn anyqtaǵan.