Túrkistanda joǵalǵan 11 jasar qyzdyń máıiti kanaldan tabyldy
Túrkistan oblysy Tótenshe jaǵdaılar departamentiniń Jedel-qutqarý jasaǵynyń qutqarýshylary osyndan 5 kún buryn Túrkistan qalasynda joǵalǵan qyzdyń denesin tapty. Oqıǵa ornynan 11 shaqyrym jerden máıitti sýdan alyp shyqty.
«Іzdestirý qutqarý jumystaryna Túrkistan oblysy Tótenshe jaǵdaılar departamentiniń 112 jeke quramy, 1 kvadrokopter, 7 tehnıkasy jáne jedel qutqarý jasaǵynyń 5 súńgýiri, 2 júzý qaıyǵy, 1 tehnıkasy jumyldyryldy. Polıtsııa departamentinen 20 adam, 4 tehnıka, jergilikti atqarýshy organnan 2 adam, 1 tehnıka kómekke keldi», delingen Túrkistan oblysy Tótenshe jaǵdaılar departamentiniń baspasóz qyzmeti taratqan habarlamada.
Eske sala keteıik, 25 naýryz kúni shamamen saǵat 17:00 shamasynda kámelet jasqa tolmaǵan qyz bala úıinen oınaýǵa shyǵyp ketip, qaıta oralmaǵan bolatyn.
Keıinnen birge oınaǵan qurbysy Túrkistanda joǵalyp ketken 11 jasar qyzdyń kanalǵa qulap ketkenin aıtqan.
Sodan keshke qyzdy izdeýge qutqarýshylar qyzmeti jumyldyrylǵanyn jazǵan bolatynbyz.
